|
  
|
整俾奶奶慶祝生日既另一個蛋糕就係朱古力芝士蛋糕
！其實整完出黎有D唔開心
，本來個餅面設計唔係咁樣嫁，唔知點解整整吓就變咗咁既c樣
，每次唔小心打開雪櫃望到個蛋糕都會話“吓！你邊位呀
？乜得你咁既樣嫁，你咁樣點帶你出街呀，唉！！”最後因為驚親戚唔夠食，都有帶埋佢出街~~~唉~~親戚見到呢個蛋糕既時候，竟然話靚呀，真係俾面喇
，哈哈，雖然賣相唔係安琪兒心目中咁，但係味道好好
，只係甜咗DD，安琪兒問唔鐘意食朱古力既Darling有咩意見
，Darling居然話好味好夠濃，同芒果蛋糕一樣咁好味，其他親戚意見都一樣，唔通係我買果隻朱古力既關係
？我買果隻係廚師專用嫁，唔知有無關呢？哈哈~~~~~
奶奶生日喇
，安琪兒和Darling約齊所有親戚，訂了一間房幫奶奶慶生，為咗隆重其事，安琪兒特地整了兩個蛋糕，俾少少Surprise給我親愛的媽媽。
其中一個蛋糕當然係安琪兒成日整既又係奶奶最愛吃的芒果芝士凍餅啦！其實擔心咗幾日，因為連續幾日去街市都無芒果買，但係奶奶是最愛芒果的，所以好唔開心好煩惱
，Daling見到安琪兒咁苦惱，於是都幫手周圍搵芒果買，佢話“老婆咁有孝心，所以我一定要幫你搵到芒果的”最後不負所望，真係幫安琪兒搵到幾間批發市場有芒果買，仲要靚到不得了添，真係辛苦Darling喇，讓安琪兒可以順利完成呢個愛心蛋糕
。
食完飯就即刻拎佢出黎切喇，奶奶一見到有兩個蛋糕，即刻笑得好開心，可以令奶奶咁開心，安琪兒都覺得好開心。媽，生日快樂！
，是哦，又到了吃大閘蟹的季節了，自從嫁咗俾Darling之後就無食過了，Darling聽到安琪兒咁講，即刻話買啦，想食就買啦，唔使同我客氣嫁喎
，安琪兒即刻高興地提議去街市買，Darling話街市驚有假蟹，安琪兒即刻扁哂嘴話Darling呃人，Darling話唔係唔買呀，等我一陣先，你換咗衫先，換完衫，Darling就帶咗安琪兒去銅鑼灣喇，原來Darling上網搵咗一間專門賣大閘蟹既店舖老三陽呀，好開心呀，怪錯咗Darling添，於是即刻衝入去簡咗四隻大閘蟹喇，公蟹D蟹膏係軟既，乸蟹D蟹膏係硬D既，我地買咗三隻公一隻乸，然後想問佢有無專用浙醋可以買，點知佢話包埋浙醋嫁喇，一睇仲成支咁大支添，仲有紫蘇葉呀、薑呀、赤砂糖呀、煮法都包埋，好方便呀，唔使再走去街市再買配料喇，然後返去煮完出黎真係超好食呀，D蟹膏好多好鮮甜呀，兩口子食咗兩個鐘先食得哂，然後連飯都唔願食喇，Darling問滿足未？安琪兒話好滿足。Darling話鐘意食就下個禮拜再買俾你食，安琪兒話唔好，一年吃一次便足夠了。
，上年整果煲唔夠淋，今年改良咗，可以話係超淋超正，淋到點呢？隻筷子一拮舊羊腩，隻筷子可以穿到底，完全唔使用力拮嫁，改良成功，YEAH！！！Darling仲誇張，話咩入口即溶喎，俾佢笑死呀，哈哈。為咗整一煲正既羊腩煲同Darling溫暖溫暖咁撐抬腳，安琪兒早一日已經整好羊腩煲，放入雪櫃等第二晚就可以享受了，當然少不了半打啤酒啦
，然後同Darling食完羊腩煲就即刻衝入被竇度攬住睇電視
,認真誇張，其實邊有咁凍吖，製造吓D氣氛咁解嫁姐，哈哈哈。不過Darling經常手腳冰冷，食咗兩次羊腩之後，D手仔腳仔無咁凍喇，希望佢食多次呢個冬天就唔再怕凍喇。 
，雖然晚晚都有煮飯，但係就好懶無影到相，呢日心情靚靚，所以就幫D餸影吓相相喇。襯住煲了涼茶，Darling又無喉嚨痛又無熱氣，於是即刻整吓炸野先，去咗吉之島買了一包靚魚柳，吉之島果個姨姨幫我簡咗包公既魚柳，佢話公既好味D，仲教埋我點簡添，真係好好人，原來魚柳都有得分公乸嫁，哈哈，番到屋企溶咗雪就整得喇。唔知係咪今次D魚柳比較靚呢，咬落去零舍唔同，安琪兒食咗一件，Darling食咗五件，佢個樣非常HAPPY，成隻為食貓咁，真係唔敢同佢爭食囉，HEEHEE。Darling依家諗番起D魚柳又嚮樹流口水喇，真係好好味，滿意滿意。安琪兒叫Darling幫碟餸改個名吖，跟住指住Darling心口，你呢度D水比較多，難唔到你既，佢敷衍安琪兒話脆魚卷啦，好敷衍囉，安琪兒話原來你心口D水係咁"厲害"既，好敷衍囉，都唔吸引既，我都係自己諗喇，唔使你喇
，Darling情急之下話黃金美人魚呢個名點睇呢？夠唔夠爆呀？然後兩個對望大笑，扭作一團，果然人急先智生哦，哈哈哈哈哈。
